ബഹു. കേരള സംസ്ഥാന സഹകരണ വകുപ്പ് മന്ത്രി ചെയര്‍മാനായ 13 അംഗ മാനേജിംഗ് കമ്മറ്റിയാണ് ബോര്‍ഡിന്റെ ഭരണകാര്യങ്ങള്‍ നിര്‍വ്വഹിക്കുന്നത്. മാനേജിംഗ് കമ്മറ്റിയില്‍ നിന്നും സര്‍ക്കാര്‍ നാമനിര്‍ദ്ദേശം ചെയ്ത വൈസ് ചെയര്‍മാന്റെ മേല്‍നോട്ടത്തില്‍ സഹകരണ വകുപ്പിലെ ഒരു അഡീഷണല്‍ രജിസ്ട്രാര്‍, ബോര്‍ഡിന്റെ സെക്രട്ടറി- ട്രഷറര്‍ ആയി ഓഫീസ് പ്രവര്‍ത്തനങ്ങളുടെ ചുമതല വഹിക്കുന്നു. ബോര്‍ഡിന്റെ ആസ്ഥാന ഓഫീസ് തിരുവനന്തപുരത്ത് ജഗതി DPI ജംഗ്ഷനിലുള്ള ജവഹര്‍ സഹകരണ ഭവനിലെ 7-ാം നിലയില്‍ പ്രവര്‍ത്തിക്കുന്നു. തിരുവനന്തപുരം, എറണാകുളം, തൃശൂര്‍, കണ്ണൂര്‍ എന്നിവിടങ്ങളില്‍ ബോര്‍ഡിന്റെ മേഖലാ ഓഫീസുകള്‍ റീജിയണല്‍ മാനേജര്‍മാരുടെ നിയന്ത്രണത്തില്‍ പ്രവര്‍ത്തിച്ചുവരുന്നു. സഹകരണ സംഘം രജിസ്ട്രാറുടെയും ഇതര സര്‍ക്കാര്‍ വകുപ്പുകളുടെയും ഭരണ നിയന്ത്രണത്തിലുള്ള എട്ടായിരത്തി അഞ്ഞൂറോളം സഹകരണ സ്ഥാപനങ്ങളിലെ എണ്‍പത്തി മൂവായിരത്തോളം ജീവനക്കാര്‍ ഈ ബോര്‍ഡില്‍ നിലവില്‍ അംഗത്വം നേടിയിട്ടു്. കൂടുതല്‍ ജീവനക്കാരെ ബോര്‍ഡില്‍ അംഗമാക്കുന്നതിനുള്ള കര്‍മ്മ പദ്ധതികളും ആവിഷ്‌ക്കരിച്ച് നടപ്പിലാക്കി വരുന്നു. ജീവനക്കാര്‍ ബോര്‍ഡിലേയ്ക്ക് അടക്കുന്ന പ്രതിമാസ വിഹിതവും അവരുടെ തൊഴില്‍ സ്ഥാപനത്തിന്റെ വിഹിതവും കൂടിയുള്ള തുക സ്ഥിര നിക്ഷേപം നടത്തി ലഭിക്കുന്ന പലിശകൊാണ് ഈ സ്ഥാപനത്തിന്റെ പ്രവര്‍ത്തനം നടത്തി വരുന്നത്. സഹകരണ സംഘം രജിസ്ട്രാറുടെയും ഫങ്ങ്ഷണല്‍ രജിസ്ട്രാറുടെയും ഭരണ നിയന്ത്രണത്തിലുള്ള തിരുവനന്തപുരം, കൊല്ലം, പത്തനംതിട്ട, ആലപ്പുഴ എന്നീ ജില്ലകളിലെ സഹകരണ സ്ഥാപനങ്ങളിലെയും തിരുവനന്തപുരം മേഖല കോ-ഓപ്പറേറ്റീവ് മില്‍ക്ക് മാര്‍ക്കറ്റിംഗ് ഫെഡറേഷന്റെ കീഴിലുള്ള ജീവനക്കാരുടെയും ക്ഷേമപ്രവര്‍ത്തനങ്ങള്‍ തിരുവനന്തപുരം റീജിയണല്‍ ഓഫീസിലും ഇടുക്കി, കോട്ടയം, എറണാകുളം ജില്ലകളിലെ സഹകരണ സ്ഥാപനങ്ങളുടെയും ഇതര വകുപ്പുകളിലെ സഹകരണ സംഘങ്ങളിലെയും എറണാകുളം മേഖല കോ-ഓപ്പറേറ്റീവ് മില്‍ക്ക് മാര്‍ക്കറ്റിംഗ് ഫെഡറേഷന് കീഴിലുള്ള ജീവനക്കാരുടെയും ക്ഷേമപ്രവര്‍ത്തനങ്ങള്‍ എറണാകുളം റീജിയണല്‍ ആഫീസിലുമാണ് നടത്തുന്നത്. തൃശൂര്‍, പാലക്കാട്, മലപ്പുറം എന്നീ ജില്ലകളിലെ സഹകരണ സ്ഥാപനങ്ങളുടെയും ഇതര വകുപ്പുകളിലെ സഹകരണ സംഘങ്ങളിലെയും ക്ഷേമ പ്രവര്‍ത്തനങ്ങള്‍ തൃശൂര്‍ റീജിയണല്‍ ഓഫീസിലും കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളിലെ സഹകരണ സ്ഥാപനങ്ങളുടെയും ഇതര വകുപ്പുകളിലെ സഹകരണ സംഘങ്ങളിലെയും കോഴിക്കോട് മേഖല കോ-ഓപ്പറേറ്റീവ് മില്‍ക്ക് മാര്‍ക്കറ്റിംഗ് ഫെഡറേഷന്  കീഴിലുള്ള ജീവനക്കാരുടെയും ക്ഷേമപ്രവര്‍ത്തനങ്ങള്‍ കണ്ണൂര്‍ റീജിയണല്‍ ഓഫീസിലും നടത്തി വരുന്നു. ബോര്‍ഡിലെ അംഗത്വം, ബോര്‍ഡില്‍ നിന്നും ലഭിക്കേ വിവിധതരം ധനസഹായങ്ങള്‍, ക്ഷേമനിധി വിഹിതം തിരികെ വാങ്ങല്‍, മരണമടഞ്ഞ ജീവനക്കാരുടെ മക്കള്‍ക്കുള്ള സ്‌കോളര്‍ഷിപ്പ് എന്നിവയ്ക്കായി അപേക്ഷകള്‍ സമര്‍പ്പിക്കേത് ബന്ധപ്പെട്ട റീജിയണല്‍ ഓഫീസുകളിലാണ്. റീജിയണല്‍ ഓഫീസില്‍ സമര്‍പ്പിക്കുന്ന അപേക്ഷകള്‍ റീജിയണല്‍ മാനേജര്‍ പരിശോധിച്ച് ശുപാര്‍ശ ചെയ്ത് ഹെഡ് ആഫീസിലേക്ക് അയക്കുകയും, ആയത് ഹെഡ് ആഫീസില്‍ നിന്നും അനുവദിച്ച് ബന്ധപ്പെട്ട സഹകരണ സ്ഥാപനത്തിന് അയച്ചു കൊടുക്കുകയും ചെയ്യുന്നു.

ബോര്‍ഡ് ഭരണസമിതി ഇനിപ്പറയുന്നവ ഒരു മാനേജിംഗ് കമ്മിറ്റിയില്‍ നിക്ഷിപ്തമായിരിക്കും:

(എ) ബഹു: സഹകരണ വകുപ്പ് മന്ത്രി കേരളം (ചെയര്‍മാന്‍-എക്സ് ഒഫീഷ്യോ)
(ബി) ഗവ. സെക്രട്ടറി, സഹകരണ വകുപ്പ്
(സി) സഹകരണ സംഘം രജിസ്ട്രാര്‍,
(ഡി) ചെയര്‍മാന്‍, കേരള സ്റ്റേറ്റ് കോ-ഓപ്പറേറ്റീവ് യൂണിയന്‍,
(ഇ) ധനകാര്യ വകുപ്പ് ജോയിന്റ് അല്ലെങ്കില്‍ ഡെപ്യൂട്ടി സെക്രട്ടറി (കേരള  സര്‍ക്കാര്‍ നാമനിര്‍ദ്ദേശ പ്രകാരം)
(എഫ്) കോ-ഓപ്പറേറ്റീവ് എംപ്ലോയീസ് അസോസിയേഷനുകളുടെ രണ്ട്  പ്രതിനിധികള്‍ (കേരള സര്‍ക്കാര്‍ നാമനിര്‍ദ്ദേശ പ്രകാരം.)
(ജി) സഹകരണ പ്രസ്ഥാനവുമായി ബന്ധപ്പെട്ട അഞ്ച് വ്യക്തികള്‍ (കേരള സര്‍ക്കാര്‍ നാമനിര്‍ദ്ദേശ പ്രകാരം.)
(എച്ച്) ബോര്‍ഡ് സെക്രട്ടറി-ട്രഷറര്‍, കേരള സര്‍ക്കാര്‍ നിയമിക്കുന്ന സഹകരണ  വകുപ്പ് അഡീഷണല്‍ രജിസ്ട്രാര്‍

ബോര്‍ഡിന് ഒരു വൈസ് ചെയര്‍മാന്‍ ഉണ്ടായിരിക്കും. കേരള സ്റ്റേറ്റ് കോ-ഓപ്പറേറ്റീവ് എംപ്ലോയീസ് വെല്‍ഫെയര്‍ ബോര്‍ഡ് മാനേജിംഗ് കമ്മിറ്റി അംഗങ്ങളില്‍ നിന്ന് വൈസ് ചെയര്‍മാനെ കേരള സര്‍ക്കാര്‍ നോമിനേറ്റ് ചെയ്യും.

നിലവിലുള്ളമാനേജിംഗ്കമ്മിറ്റിഅംഗങ്ങള്‍ .........................മുതല്‍